،،،،،مأساة عجوز،،،،،
@@@@@@@
ياأم .....ياشقيانة
ليل ونهار تعبانة
من الفجر صاحية نشيطة
زي الساقية الشغالة
الهم في كل ملامحك
وف تجاعيد وشك الخلاصة
العيشة مرة... ..حنضل
وقلوب بذكر الله عمرانة
ولا عمرها طلبت راحة
ولا ف يوم تملك عمارة
دا حلمها أبسط وأرفع من الدبارة
إنها تملك قوت يومها
وترجع بيتها فرحانة
فيه أبسط من كده....بأمانة !!!
إن شاء الله ياأمي
تجتازي الدنيا بجدارة
ومكانك في الجنة
محفوظ ياشقيانة
شوفتوا الست دي.....
رغم كل همومها
وشها دايماً مزين بأحلي إبتسامة
لكن الدنيا دايماً علي الفقير غدارة
دي بتتحسد علي ضحكتها
ونومها كم ساعة في الصالة
لكنها عندها إيمان
إن خالقها معتني بها عناية
رامية حمولها علي الخالق
الرازق النملة وسط الحجارة
عمرها ما إشتكت لحد
ولا مدت إيدها وقالت إنها محتاجة
حامدة ربها علي الفقر
وقدرتها علي الشغل مهما كانت تعبانة
علاجها الفعال لأي وجع في جسمها
حباية إسبرين...وربط الوجع بدبارة
وسبحان الواحد ... الأحد
الشافي ....المعافي لها بجدارة
شوفتوا الناس البسيطة....
اللي حنضل حياتها بتحليه بإبتسامة
مش آن الأوان الوقتي...
نعطر فمنا....ونقولها بغزارة
الحمد لله علي نعمة الصحة....
ونعمة البركة........
بالله عليكوا يا إخواني....
مش دي أجمل عبارة !!!!!!
بقلمي/
مها
بركات
ليست هناك تعليقات:
إرسال تعليق