منيش مخدوع
أبات واصحى على صوتك
بدوب جـوايا فـي سكوتك
في عــز الليل بنادي عليك
حنــان القلب ليــه يفــوتك
-----:-----:-----
يا مالك قلبـــي ليــه غايب
حبيبك فيـــها بقـــى دايب
بيحلــــم بالحنين ويــــــاك
وهـات إيدك منيش سايب
-----:-----:-----
بناچي فـي ليلــي واتألـــم
وبحكـي لــه ولا بسلـــــــم
بلاقــــي دمــوعي تكتبلـي
وقلمـــي بحبـــره يتكلــــم
-----:-----:-----
حلفت بربـــي إنى هتــوب
وعــارف ان فيـــــها بدوب
بتمنــــاك تكــــون جنبــــي
وحلمي يبقى لك محسوب
-----:-----:-----
عايش فيــها عشان حلمي
واداوي فــي الجراح ألمي
هكــون عاشق حنـان ودك
معـاك الحلــم زاح همــــي
-----:-----:-----
معاك الدنيا حــاجه تانيـــه
ما تبعــد عنـــي ولا ثانيــه
دا حــبك زي نــور الشمس
منـــور حلمــي فــي الدنيا
-----:-----:-----
هنفضل فـي الهوى دايبين
مآنس حبـي شوق وحنين
وهسبح فـــي غــرام حبك
معاك يا قلبي فيـه عايمين
-----:-----:-----
فلــو مريت علـى الأحباب
تلاقــي إللي عاشـــق داب
أخـــاف ترجـــع ولا تســلم
وتحسب قلبــي م الاغراب
-----:-----:-----
وليــه القلب بيـك موجوع
بيحلــم تاني ليـــه برجوع
عشان قالها انه دايب فيك
ولا فكرت أعـيش مخـدوع
-----:-----:-----
بقلم الشاعر محمود فوده
من ديوان إبن الصياد
ليست هناك تعليقات:
إرسال تعليق