وبصمت النسيان بقلم/ صبري رسلان

 وبصمت للنسيان (300)

....................

يا قلبي داري دمع حزنك

جوا فيك  .. 

وإعمل حسابك 

من النهارده ما عدش ليك 

بعد الغرام والليل وآخره  

ودنيا تانيه ..

وإني روحه ونسمه دايبه في  بحره هايمه

هجر ليه حضني وبكى 

قلبي وزاد خصامه 

بين يوم وليله إتغيرت 

همسه  وعتابه    ..

وغش قلبي في نيته أدوق  عذابه  ..

ما الشوك خلاص 

بقى طوق خداع 

لبساه  بأيده ..  

وفى كل مره بيوجعه   

بأحزان في عيده ..

جوايا عايشه ليل غرام

نبضي في وريده  

والشوق وكل حته فيا

تقول  بريده .. 

عطرت حالي  ورود 

والليل وحلم  يعود 

داب وجعي وسط وعود

راح حزن فيا  ..  

لملمت توب حرمان  

وفرشت صبر  كمان 

وهداري ألمي إن بان 

عشقاه وقلبي جبان 

غاصب عليه  ..

راضيه المرار كما كان

ولا بعده والحرمان

وبصمت للنسيان 

بدموع عينيه ..

بقلم .. صبري رسلان