( بحبها ودي فيها ايه ؟ ) :
بحبها .. ودي فيها ايه ؟
بتحبني .. طب يجرى ايه ؟
بنحب بعض عايشين لبعض
بنموت في بعض .. زعلكوا ليه ؟
ما تسيبوا كل الناس تحب
ما تخلوا كل الدنيا حب
حيجرى ايه لو كلنا
عشنا حياتنا حنان وحب
بحبها و ده شىء صحيح
بيني و بينها في شئ مريح
يعني اللي بيني وبين حبيبي
مش مستخبي ده شيء صريح
الحب ليه مش جاي معاكم ؟
والحقد ليه جي ف هواكم ؟
لو تصفى بس قلوبكو يوم
حتلاقوا حب الكون ملاكم
غيروا وحبوا زينا
واتعلموا الشوق مننا
لو دقتوا مرة الحب يوم
راح تفهموا ايه قصدنا
بالحب هنعيش دنيتنا
بالود راح تحلى حياتنا
والكلمة لو كانت حلوة
تبقى الحياه سعد ف بيتنا
بقلمي الشاعر جمال زكي عينر
ليست هناك تعليقات:
إرسال تعليق