(غاوي...منظره)
ياللي انت غاوي منظره
ولابسلي جزمه منقره
فكر شويه وقولنا
لازمتها إيه المنظره
ياللي انت غاوي منظره
عارف أبوك كان اسمه إيه
وتعب عليك شوف قد إيه
راجع دفاتر حضرتك
وارجع كمان حبه لوره
ياللي انت غاوي منظره
العيشه كانت قول يادوب
والدار ماكنش فيها طوب
معموله من قش وحصير
كانت يا يدوب تيجي مندره
ياللي انت غاوي منظره
ومربي كلب في بيتكوا ليه
بتأكله وتصرف عليه
وتنام جنابك جنب حيط
م. الجوع دي وقعه محبره
ياللي انت غاوي منظره
أمك كتير تدعي عليك
وكمان أخوك مابحس بيك
راجع في آخر الليل تمام
باين عليك واكل دره
ياللي انت غاوي منظره
البنطلون مقطوع عليك
وكام غويشه في كف ايديك
وان قولت لك عيب مش كده
ترفع إيديك زي المره
ياللي انت غاوي منظره
(احمد السبكي)
مصر
َ
ليست هناك تعليقات:
إرسال تعليق