يا ترى
لســـه الرباط مــوجــود
ولَّا الطـــريق مســــدود
معقــول الحـلــم مــــات
ولا اتولــــد محســــــود
-----:-----:-----
جـــوايا آهــات يا ويلي
خليت الـــروح تمـــــوت
أشكيلــه فــي عــز ليلـي
أتاريـــه عاشق السكوت
----:-----:----
طول عمــري محتاجلك
مستغــناش لحظه عنك
لكن انتــي معـــذبانـــي
لـــو يـــوم قــربت منك
-----:-----:-----
طول ليلـــي بشتـاق لك
فــــي خـــيالي بنـدهلك
لـــــــو مســـألتش عليـا
مقدرش انا اتجـــــاهلك
-----:-----:-----
يا حـبيـبتـي رسْينـــــي
فين إحســــاسك بيــــا
تحتـاجنــــي لحنينــــي
تشتـــــاق أوى عينيــــا
-----:-----:-----
طيــرك عاشق سمــــايـه
وجلبتنــي فـــــي هـواك
قــولت معـــاك للنــــهايه
ليـــه قولتي لــي هنساك
-----:-----:-----
من كلمــه ترتحــــالـــــي
من همسه تســرحـــلـــي
فــي بعدك قلبــي ساكت
كاتـــم ولا يبـــــوحلـــي
-----:-----:-----
كــان نفســـي تعـذرينــي
بتلــــومــي وتقهـــرينــي
لـو فيـــــه بينــا عتــــاب
إحكيــــــه ولا تهجرينــي
-----:-----:-----
من امتـــه قيسيت عليك
ولَّا كـــان قلبـــي جــارح
طــول عمـــري بحتـويك
بحنـــان الشــوق وطارح
-----:-----:-----
عمــري مـا نسيت كلامك
لـــو رجـعــالــــي يـاريت
تنهـــي بينـــــا خــصامك
مكفـــايــه انا أكتــفـــيت
-----:-----:-----
نفسي في نظره تداويني
تحكيلــي ع اللــي فيــك
هتــــــرجَّــع لك حنينــي
تلاقينـــــي بين إيـــديك
-----:-----:-----
أنـا منــــك وانتي منــــي
لسه الإحســاس حضنــي
مـن يومــها شغلت بالـــي
لو حتى تغــيبي عنـــــــى
-----:-----:-----
من ديوان
رومانسيات حزينه
بقلم الشاعر محمود فوده
ليست هناك تعليقات:
إرسال تعليق