////////+++قلعة بولعوان+++////////
شوفتها تسقي كل عاشق
تحيي روح الماضي الصادق
ماتخلي عينيك تفارق
وترحب وتزيد تعانق
وافين فين فين فين ديك ليام
بولعوان قلعة زمان وكلام
مازالة شاهدة حشم وخيام
سلطان خيالة ياك وخدام
كانت جامعة عز سيادي
كانوا فيها كل جدادي
دكالية حاضية بلادي
كان قاصدها الجاي والغادي
ومكانها كيطل على الواد
كانت امكسرة كل لعناد
وتقرب لحباب ولعباد
ياك كان فيها سلطان وجناد
حامي ثغور حامي ملة ودين
ياك كان سيد مير المومنين
اما اليوم مال حالها كينين
لامن يعرفها فين وفين
قلعة بولعوان ومن يحن
في شوفتها غير تمعن
ثاريخ اسطورو م المعدن
لاتركوها ف الحزن تتمحن
مولاي سماعيل كان هنا
ومعاه المغرب عاش لهنا
رجعوها لينا كيف كانت جنة
وبحق سلاطننا وملوكنا
بقلم صقر الحروف الزجال المحجوب بوسبولة
ليست هناك تعليقات:
إرسال تعليق