عمرك شفت
سنين الأسى في شكل ست ..؟!
أما عن الجلاد متسألنيش
في غابة تايها ودايرة
كل الديابة كلوها
كل الطيور نهشوها
ده حتى الصيادين
سابوا الغزال وصادوها
والنزيف ده مش دم
ده هم وغم .. ده سم
بدل المية شربوها
أما عن الأكل ...
أكلوها الصبر بشوكه
دوّقوها مرار الكاس
وأما صارت يا عيني أم
شحتفوها ... جننوها
من حضن ولادها حرموها
وأما اااااه
وأما ااااه قالت في يوم
نسينا الآه ....
الآها قالت أنا مش نسياك
مش سيباك ...
ممكن آخد أول ولد .. !؟
وآه ع الضنى .. آه مِ الوجع
طب والبنت الحلوة دي ..
بنتك ...؟
وقبل متقول بلسانها آه
خرجت الآها من ثاني
من قلب موجوع
أكثر مِ الأولاني
وبقى النزيف شلال
يسدوا هنا بخيوط
وهنا ب حبال ...
وأما صلبت طولها
بعد سنين وجعها
ومشيت في الطريق
حافية على قدمها
مش حاسة إنه ..
بتصَفّى دمها ..
الدور بقى ماشي ..
وايه يعني الثالث يروح
ما يجراشي ...
عادي ...
عادي ..
مهو الي واخد ع الوجع
بيتوجع مرة وحدة
والمرات الثانية تبقى
عادي ..
عادي ما يجراشي
ها ... ايه رأيك
جميلة سنين الأسى
في شكل ست ...؟!
نزيف الوتين
تمام يوسف / فلسطين
ليست هناك تعليقات:
إرسال تعليق