* مات الضمير *
................
مات الضمير والظلم ليه......
أصبح دا واحد مننا............
لما الشيطان يجي بإيديه....
يخطف ملاك من وسطنا.....
هي البشر جرى لها إيه.....
والعدل هربان مش هنا......
حتي الحمام من حزنه طار..
هجر البناني والعشش.....
والقلب من جواه دا نار.....
والحزن عمال يتفرش......
وإزاي تموت ضحكة صغار..
والدمعه نازله ترتعش......
الإنسانيه إني أعيش........
أنا وإنت حابين بعضنا.......
مين إللي قال انه مافيش..
غيرك يعيش علي ارضنا....
الرحمه طبع الله ما يجيش..
يمنعها جرمك عننا...........
يا رحمه عنا روحتي فين.....
من السواد شاخ قلبنا.........
وازاي يا ناس يا بني أدمين...
إحنا بنقتل بعضنا..............
حتي البرأه مش عارفين......
نحميها لا من غدرنا...........
#كرم ميخائيل
ليست هناك تعليقات:
إرسال تعليق