اوعاك تحب
.................................
اوعاك تحب
حد كان بيحب قبلك
وقت اما كان مجروح لجا لك
وقت اما كان مدبوح
كان وقتها بلا روح
كان كل عينه ماليها الدمع
كان مش باصصلك
ولا كان رايقلك
كنت انت طوق نجاة
كنت الايدين اللى تنقذه
كنت الحنين اللى بيستناه
يحكى على جرحه واساه
كانت عيونه عنك مغمضين
تلقاه معاك يضحك وجواه حزين
كان كل أمله تكون معاه
تسمعه تطبطب علبه
لكن لايمكن يوم
تكون جواه حبيب
وقت اما كنت تسمعه
تلقاك ملهوف عليه
شدك لحضنه ولسه حضنه
ويا حبيبه ايديه عليه معلمين
حتى ف شفايغه.. فى نظرة عينيه
كان كل حاجة لسه مكتوبة له
وأنت بتداوى الجرح انجرحت
وأنت بنمد ايديك تمسح الدمع ف عينيه
ظهرت الصورة فى عينيه
وشوفت نفسك برا أحداث الحياة
ايه اللى خلاك تحب وانت بتداوى الجراح
عمرك شوفت مريض بيحب طبيب جراحه
اصبحت مجروح فى الهوى
وماليك دوا.. ماليك دوا
بقلم قررت الاعتزال..
فرج عبد الستار فرج
تسلم ايديك
ردحذفروعة