غاب القمر عن ليل بعدن
غاب...
وما ضل غير العتم ...
وعم ينعسوا
النجمات...
وطال السهر ع درب بيتن
طال
وعم يخلصوا
الشمعات...
هوذي الاهل طولوا المشوار
وماعاد ننساهن
مثل عصفور لرايح قاصد
غصن ليبات....
وانتي واني عم نقصر بهالليل
والعتمات
منمشي ورا الفرح والنور بلكي
نزين البسمات...
وما عاد بدنا دمع وبكي
وبدنا نرندح بهاليل
غنيات
راح مرجحك بهالقلب ليلي
ياحلوتي ..يا حلوة الحلوات.
بالرمش ...
بهالعين
باللفتات...
حني عليي بنظرتك
لتكوني
بين الغلا والشوق
والنبضات....
ورح غمرك بالروح وبديي
لشمك
مثل العطر والمسك
والوردات....
هذا القلب بغربتك مسكون
بغصة وجع قد الدنى
والكون والغابات....
ولف لروحي بغيبتك كانون
رشة شتي مع ثلج
والبردات...
خذيني لصدرك هونيك دفيني
زيح الشجن والليل
والآهات...
وضلي معي عطول سليني
ماعاد فيي صبر
عالبعد
والغيبات...
بقلمي:مفيدأبوفياض.
ليست هناك تعليقات:
إرسال تعليق