* مين قال *
................
*كبرتي إنتي علي الدلع ؟!
مين إللي قال إنك كبرتي
دا أنا لسه قلبي بيتخلع
اول ما اشوفك أيوا إنتي
ياللي بيكي بلقى فرحي
يا دوايا في عز جرحي
كل شيء بحبه فيكي
يا صاحبتي وبنتي وحبيبتي
*لسه زي ما انتي شايفك
الملاك ساكن ملامحك
وإبتسامتك في شفايفك
ضحكه الخجل ماليها
لسه بضحك لما اشوفك
والكسوف مالي خدودك
والورود طارحه عليها
*وأما نن عينيكي يجري
يخطف الدموع ومني
تخطفي الأحزان بتاعتي
جوا ريش قلبك ألاقي
الدفا لبرد أشواقي
والعيون ليكي تاخدني
*لسه فيكي الطيبه ساكنه
لسه قلبك نبضه مدنا
لما أتوة أرجعله تاني
ايوا عشقي مالوش حدود
حتي كرمشه الخدود
جايه تحكي عن وعود
تفضلي ساكنه زماني
*أه بحبك زي ما إنتي
يا شوارعي ويا مدينتي
يا دفا وقت البرود
لسه بعشق فيكي دلعك
والأمان إللي في حضنك
لسه نفسي كتير أقولك
إنه بعدك أه أموت
قلبي متعلق بغصنك
أيوا عايش تحت ضلك
مش كتير إني أحبك
وإن حبك زي خمرة
مهما بتعدي السنين
بتعتق فيها الحنين
لسه دايب جوا عين
قلبك إللي تحت أمرة
#كرم ميخائيل
ليست هناك تعليقات:
إرسال تعليق