((( أتمرد ع الغد )))
حابس نفسك ليه ف الماضي
اخرج واتمرد ع الغد
وأنسي همومك وأنسي مشاكلك
وبلاش تركن علشان حد
آياك تيأس كده و تسلم
واتمرد ع آي خضوع
حارب ف أيامك الجايه
وبلاش تستسلم للموضوع
عيش ايامك حب وغني
من غير حزن وآي دموع
قافل ليه دايما ع نفسك
خايف ليه دايما و قنوع
وانت بأيدك تسعد نفسك
لما تخلي الدنيا شموع
لما تنور تاني حياتك
لما تعيد للقلب خشوع
أفتح باب السجن وأعيش
وأحلم يطلع للطير ريش
حلق فوق الدنيا وغرد
متع قلبك بكره وعيش
خلي الكون يفرح وياك
وأنسي أمبارح وماتبكيش
مين هيحس بوجعك غيرك
وأنت معاك أو وأنت مفيش
وعشان بكره يصبح أجمل
أدي الدنيا كمان بقشيش
وأسعد قلبك وأجبر غيرك
لو هتنام حتي علي الخيش
كلمات الاديب الشاعر .د/السيد علي القن
و
ليست هناك تعليقات:
إرسال تعليق