عم الحج دقه قديمه
من ايام ما اخترعوا السيما
عاش و اتربي ف الدوار
و فطاره بصلايه و خيار
و حبة مش و جبنة قديمه
شب شويه و ع الكتاب
و اتعلمله دين و حساب
راح مدرسته و كت كراسته
حاجه كده مش قد القيمه
كانوا غلابه ... بس اتربوا
و كله ف كله بيخاف ربه
عمر ما كان ... الفقر زمان
حجه و لا تقل القيمه
شب و شاب ....
و ربنا رزقه باحلي شباب
عمره ما قال لأولاده مفيش
عاشها و ماشي فيها بشويش
كبروا ولاده و بعد ما كبروا
دخلوا الجيش
خدموا ف سينا ...
يوم ف الصحرا و يوم ف المينا
و يوم اجازتهم راجعين بيتهم
و طلبوا الاكله كمان بتاعتهم
فجاءه ديابه و لا عصابه
مسكت فيهم ... بتموتهم
ناس غداره ....
واخده الدين ف الدنيا ستاره
قالوا لابوهم ... شد ف حيلك
ماتوا ولادك و بندعيلك
قاله ولادي فدا لبلادي
و لو ف مكان فاضي اجيلك
سيد صادق
ارتجاليه
ليست هناك تعليقات:
إرسال تعليق