💐💐💐💐💐💐💐 بنتظاهر 💐💐💐💐💐💐💐
بنتظاهر براحة البال
كأن الفرحة سرقانا
بننسى الهم والأحوال
ونضحك ضحكة خفتانة
ونكتب كل يوم موال
ورافعين الأمل راية
ودنيا الناس ف قولنا وقال
وألف رواية وحكاية
ورافضين الدموع تنزل
ونبقى في الزمن آيه
نعدي اليوم كأنه خيال
وننسى جراحنا بعناية
ضمير جوانا كل سيجال
بيرسم صورة في مراية
يوضح لينا . ألف مثال
و كل . بداية ونهاية
وطول الليل معانا جدال
معارك عايشة جوايا
وننسى الحال وراحة البال
ونتعلق بقشاية
وآه من الدنيا قساية
💐💐💐💐💐💐💐💐💐💐💐💐
شادوليات
شاذلي محمد عبدالرحمن حسين
ليست هناك تعليقات:
إرسال تعليق