* الحب واوا *
*حبيبي الحب واوا
ساعات يجرح قلوب
ويسيب فيهم علامه
منه ويدوبوا دوب
والله يجازي اللي
جاي يجرح محبيه
ويخلي ليا خلي
ويحافظ لي عليه
* حبيبي الحب جنن
روميو مع جوليت
ماكانش أه حنين
حتي إسأل الحواديت
كان قاسي أه عليهم
سقاهم المرار
والسهم صايب ليهم
واهو ماتوا بإنتحار
*حبيبي الحب شطه
ونارة تكوي مووت
ما تقولش إنه اوانطه
دا كتير منه بتموت
وساعات بلسم للروح
وفرحة الحزين
وفيه الروح بتروح
وتعيش فيه السنين
*حبيبي الحب يجرح
لو مرة القلب خان
اوعي تفكر او تسمح
انك تكون خوان
لو مرة عرفت انك
بتبيع القلب ياواد
هتموت حياتي منك
وأقول عليك عواد
#كرم ميخائيل
ليست هناك تعليقات:
إرسال تعليق