... الطيبة خيبة...
عشان الطيبة في طباعنا
وضميرنا دايماً يوجعنا
قاسينا... عانينا... ولا ع البال
وقعنا في ناس مهش توبنا
خسيسة.. خاينة... م الأندااال
دفعنا ضريبة سذاجتنا
وقالوا علينا اللي ما يتقال!!!!!
وإحنا ولاد الأصول إحنا
العيبة ما تعرف لنا مكاااان
نصاحب الكل بعيبوبه
لا عمرنا عايرنا..ولا حد معانا إتهااان
دا قليل الاصل مهما تكارمه
عمره ما يتعاشر ولا يتآمن علي أي سر أياً كان!!!!!
إياك تفكر إنْ ده صاحبك
من غير ما تعاشره ياأبو قلب خام
إياك تقول.. دا جدع شبهي
مين قال لك.. إن الجدعنة بالأشكال
بطل سذاجة.... وبلاش عفوية
دا ياما في الصحاب 100 واحد شمال
فبلاش تعامل الكل بطيبتك
عشان هتتعب
لما تلاقيه ميتقلعش م النِعاااال
وخاين العيش والملح
إياك في يوم تقول دا كان
طالما خان.. خلاص معتش له مكان!!!!!
ف ياللي ماشي توزع طيبة وحنان
ما تحسبها... وبلاش خيبة
وفوق لنفسك قبل الأوان
دا ياما دفعنا ع الطيبة
ضرايب ياما.... ما تتقال!!!!!
بقلم / مها بركات
ليست هناك تعليقات:
إرسال تعليق