،،،،، الغربة،،،،،
@@@@@@
ياسنين الغربة..... ياطعم مرار
يامريرة.. يالاذعة شبه الصبااار
مين فينا للغربة....... اختااااار
مين هيجدف.... ضد التيااااار
مين هيهون عليه الضَنا والدار
غير قلة حيلة.. وظلم ظاهر
جوه بلده... ليل نهااااااار. !!!!!!
هي الغربة أيه؟؟؟!!!!
غير سنين عمركَ... رمتها في ناااار
مشاعركَ وملامحكَ بقت حِطاااام
ابتسامتكَ باهتة... بتمشي حالكَ والسلام
إنتَ.... ومش إنتَ!!!؟؟؟
ماشي تايه....... لابس لِجاااااام
ممنوع في يوم إنك تضعف
أو ترفع راية الاستسلام
ممنوع حتي.... إنك تجادل
ابتسم وقوول.. أبشر.. و حاضر
دا إنت غريب... فبلاش تطوول في الكلام
أهي دي الغربة ياخلان
اسمع كثيراً...... تحدث قليلاً
كي تضمن... العيش بسلام !!!!!
الغربة دي باب مقفول عليك
مفتاحه في بير ملوش قرار
إتكتب عليك.... إنكَ تعافر
ودا قدركَ ومصيركَ.. مفيش فرار
سنين عمركَ..... علي كفكَ
مضحي بيهم.... مقدمهم قرباااان
لأجل يعيش أولادكَ
في سعادة وراحة بال
مش هي دي الغربة
ولاّ.... أنا غلطااااااان
فياللي متغربتش... بلاش تحسد اللي اتغرب
وتقول دا عيشته تمام
دا كل... هللة.... معاه دفع أضعافها تعب
ميتعادلش بماااااال !!!!!!.
" بقلم/ مها بركاااات "
ليست هناك تعليقات:
إرسال تعليق