قصيدة سامحني للشاعر ابراهيم رمضان
سامحني ياحته من عمري
يا توب ابيض ومداري
وكرمش جوه حلم حزين
سنين عدت سنين راحت
وهو جوه القلب مش ساكت
وبتساكت اسيب الشوق
يغلبني يجيب طيفك يحيرني
ونتسامر ونسرد سوى الحواديت
رميت في عنيكي احلامي
لقيتني غريق
سابتلي الدمع آه ياني
اصبر نفسي بالحواديت
سامحني ياساكن جوه أحلامي
وإياك تفكر اني بعتك بوم
وهتحاسب و تتحاسب
مصيرك تعرف إن أنا مظلوم
ومش ممكن اسيب روحي
يا ساكنه كل ما فيا
بعت جواب وقلت اصبر
لقيت الرد مش ليه
وسيبتي حياتي وف ثاتيه
لقيتني جريح
وحيد وباعني اللي كان ليه
أنا مش ممكن انساكي
وطيفك جوه القلب والنني
يافرحة عمري وحياتي
يا سعدي اللي كنت بحلم بيه
أنا مش ممكن انساكي
ولا أنسى اللي كان بينا
صحيح انا طيبتي غلباني
ووجعاني
يا مالكه كل أحلامي واحزاني
مفكرتش في يوم هتضيع
وديني اهوه وحداني
وكل ما ليا باعوني
وسابوا الحزن في عنيه
يكرمش وش متعايق
يو شوش حلم مضايق
يبيع الفرحه وف ثاتيه
تميل الدفه م القبطان
تروح موجه تجيب بركان
ليست هناك تعليقات:
إرسال تعليق