( عيد الحب )
_______________
ياشجر الحب
قوم ضلل على الخلان
واطرح ثمار الود
عوضهم عن الحرمان
و عود ليهم جميل مزهر
وزين البستان
وفوح عليهم بروايحك
ورجع ليهم الآمان
ياحب كنت زمان
في البيت و الغيطان
صالب عيدان الناس
وباعدهم عن الهزيان
الابن حاضن أخوه
والعم والخلان
والأخ خايف على اخته
وحاميها من الشيطان
مكانشي فينا منافق
ولا خسيس وجبان
عشنا على التضحيه
وحماية الاوطان
طول عمرنا واحد
عايشين هنا في امان
لاعمرنا فرقنا
مابين أهله أوصلبان
وكنا متمسكين
بالشرع والقرآن
وكنا ايد واحده
بتطرد العدوان
الوقت ايه صابنا
ما بقينا زي زمان
دخل العدو بينا
راح فرق الخلان
وبقينا كام فرقه
والحب تاه توهان
مسلم يحارب أخوه
ويقول انا أخوان
أجنده بينفذها
لوليه اوردغان
ملعون ابو دي صحبه
قائدها وادشيطان
لكن بفضل الله
مصر هتبقى امان
بفضل قائد محنك
و جيش من الشجعان
ويعود الحب يرفرف
ونغني زي زمان
_____________________
شعر الاستاذ/ طلعت مجاهد
ج مصر العربية أجا دقهليه
____________________
ليست هناك تعليقات:
إرسال تعليق