بيقولوا النهارده عيد الحب
طاب هو احنا نعرف ازاي نحب
ولا هي زيطه
وارمي البيضه
يم الحيطه
تفقس فرختين
الحب مش بس ورده ودبدوب
الحب دا نبض قلوب
يا اخوانا تفهموا
الحب واتعلموا
انا مش بنكد عليكم
انا بس بوعيكوا
البنت النهارده تخرج من ورا اهلها
وهي موفره تم الدبدوب من صرفها
وجري علي حبيب القلب
واتفضل يا حبيبي
يالي انت هتبقي نصيبي
ونفس الوضع الباشا
يستلف من طوب الارض
عشان يفسحها وفي الاخر بروحها
وبكدا هو وهي عملوا اللي عليهم
وحبوا حب محبوش حد
يا سلام
بقي دا والنبي اسمه كلام
طاب وبعدين
يا ننوس انت وهي
خلص عيد الحب
وخلص الحب
ولا مكملين
والست المتجوزه
يا ويل جوزها
لو رجع من غير هديتها
تبقي قصيده الردح
ويضيع الفرح
وتبدأ كتائب النكد
في الاتشعال
وبقي البيت حريقه
سريعه الاشتعال
...مش عيب اني اعبر عن
مشاعري لحبيبتي
لكن العيب يا بنتي
اني اختزلها كلها في يوم
كل حاجه فيه حمرا
حتي الهدوم
يا بشر الحب بريء
من افعالكم
الحب قلبين متفاهمين
ومقدرين
ظروف بعض
واللي ميجيش النهارده
اكيد له وقت
ويا بناتنا
حفظوا علي نفسكم
وبلاش ترخصوا نفسكم
دا اهلكم
تعبوا والله عشانكم
وعشان فرحكم
اللي عايزك
باب البيت مفتوح
....بقلمي
علي يوسف ابو بيجاد
ليست هناك تعليقات:
إرسال تعليق