بااعتذر
..............................
بااعتذر منك حبيبى
رغم انى مش حبيبتك
بااعتذر من كل شئ
لما بتقولى بااغير
بااعتذر
لما بتقولى بحبك
لما شوقك يبقى شوقى
لما قلبك يبقى نبضه
كل لحظة بينادينى
لما من آخر الحدود
الاقيك حاضنى
لما توفى بالوعود
حبى ليك مالوش حدود
حب فوق مايتصور خيالك
وف منامى بااندهك
كل لحظة مشتاقة لك
بس خوفى اكون
فى يوم برا كونك
خوفى انى اكون متعة لعيونك
انى اكون حاجة من غير اى حاحة
انى لعبة وقت اما تزهقها
ترميها وسط كراكيب الحاجات
انى اكون مركونة وقت الحاجة بس
بااعتذر واعتذلرى ليك دموع
اعتذار وياه وجع
وياه حاجات مش قادرة
اوصفها ليك
روحى فيك
قلبى وكل جوايا ليك
بس قبل ماتقبل اعتذارى
أية تبقى بالنسبالك ايه
عرفنى ايه
قلبى عمره مايوم يقدر يكرهك
ممكن ابعد رغم حبى
ممكن أخفى بوحى ليك
بس مش ممكن اكون
لعبة يوم بين ايديك
وف نهاية بوحى ليك
بااعتذر منك حبيبى..
بقلم قررت الاعتزال..
فرج عبد الستار فرج
ليست هناك تعليقات:
إرسال تعليق