بيت العزه
نفسـي في كلمــة حــق البيت دا ملك مين
ليـه يخطفــوه بالذق يمكن عشان نـايميــن
في صوت آذانه العــزه تفضل ليوم الديـن
ليه بس أمتنـا قالوا في الضيـــاع عايشـــه
ولا عمرها هتفـوق طول محنا فينا خاينين
-----------:--------:-----------
شاربين عصيــر العنب والخمـــره بالتفـــاح
ليه حالنا فيـها اتقلب ومشينا فيــها سـواح
لحــــد إمتـــه هنسكت وقـلوبنا ليــه ماتت
ليه قدسنا بيصــرخ وازاى تعيش مرتـــاح
ولَّا الرجوله دفنوها من يـــوم صلاح الدين
-----------:--------:-----------
قــولولي إمتــه هنرجـــع اللـــي المســـروق
بصــراحــــه قلبــــي من البكـــي مخنـــوق
يا أمـــه ضايعـــــه وطــريقــها ليـــه ضلمه
كل الحكـايـه ملكــش فيــــــــها حقـــــــوق
ضـــاعت خـــــلاص ووداع يا أُمــــهْ سنين
-----------:--------:-----------
لســـه بنحلــــم فيك بالــزمــن اللــي فــات
ولّا خــــلاص إحنــــــا بقينــا م الأمــــــوات
المــوت شـــــرف ولا اني اعيش مخـــدوع
ولا يـــوم أشوفــك تعيشي فـــي الازمــات
إمته هنحيــــي الحــق ونكون سنـد ومعين
-----------:--------:-----------
الأقصـــى بيتنــا والكــل مســــؤل عنــــــه
زى الشـــــرف ينفـــــع تزيــــــغ منـــــــــــه
هتعيشــــــها عــــــالا ولّا حــــد سائل فيك
هينهبوك من وطن بيقـولـوا دا مش ليـــك
يا اخــــرس لســانك لما اتـــهاونت بديـــن
-----------:--------:-----------
عقلــــي خـــلاص م الفكــــر مش واعـــــي
ازاى نكــــون ملايين والأقصــى مش داعي
ليه بس إحنــا اخــوات وألامـــه دي هاينــه
في الرسم ليه بشوات والأصل فيها ساعـي
إمتـــه بقى هنفـــوق ولّا احنــا مش ناوين
-----------:--------:-----------
الحمـــل زاد الحـــد والجيل معـدتش يصد
ليه النخـوه شاخ جذرها والغصن ما بيتشد
والليـل يطول في ظلامه من كــرهه فيـــه
لو يـــوم يشق الفجـــر يمكن نــهارنا يحــد
لحـــد بيت الأقصى وللجـــهاد عــاشقـــين
-----------:--------:-----------
بقـــالنا سنين على حالنا نقول يارب عدلها
وترجـــع تانـــي لشبــابها بقوة روح نرددها
نكـون إيد واحده ع الاخلاص في يوم بينا
ولا نتهــــــــاون علـــى حــــالها ونظـــلمـها
ويوم ما تنادي يا أقصى نلبــي ليك لو فين
-----------:--------:-----------
من ديوان إبن الصياد
بقلم الشاعر محمود فوده
ليست هناك تعليقات:
إرسال تعليق