منذ فترة قرأت ان رجلاً قام بقتل ابنته فقط لأنها سلمت على شاب بباب دارها قام بخطبتها مرتين ولم يوافق الاب فكتبت كلماتي بقلب متوجع
ياحيف سيف الغضب
بويه عليه سدى
معقوله اني هنت
يا بويه ولهالمدى
ربيتني عللشرف
صدگني ماهو سدى
شرع الله طالب رضا
بس انت بابك چده
يابوي ليش بغضب
شمتت بيك العدى
ماخفت ربك ابد
بتك بعمر الندى
دمي جرى بعتبتك
بيديك اجاني الردى
موهاي اديك الگبل
شالتني وكت الحدى
ولا هاي عينك نفس
الشافتني چني اورده
ولا هاذا گلبك بعد
الچنت انا متوسده
يابوي مالي ذنب
گلبي الله ليساعده
#عبيدالنصراوي
ليست هناك تعليقات:
إرسال تعليق