جوايا فوضى....
و حاجات كثير مش مترتبة
حتى الذكريات جوه نفسي مكركبة
شوية وجع على كام فرح
و صورة لطفلة مسيطرة
أصلي جوه نفسي لسه بنت صغيرة
رافضة السنين و الملامح المتغيرة
جوه نفسي لسه بضفاير
بجري استخبى ورا الستاير
و يبقى السؤال جوايا حاير
العمر عدى و لا دا حلم
جواه شوية من الرسايل
طيب و الملامح ليه السنين
غيرت فينا الملامح
و الزمن علم علينا كام علامة
اتوجعنا من الحبايب
و اتخذلنا من القرايب
العتاب بقى بينا غايب
بس أنا جوايا رافض
فكرة إني بقلب شايب
قلبي لسه عوده طارح
لسه شايف بكره غير
جاي بضحكة و قلب طير
فجره خير
شمسه طله من غير هموم
تفرد جناحها على الغيوم
حالفة لبكره البسمة تدوم
تهاني بركات ٢٢ / ٢ / ٢٠٢٢
ليست هناك تعليقات:
إرسال تعليق