صورةللشاعر ابراهيم خليفه رمضان
ومسكت صورة م الزمن اللي فات
لقيتني شيء ما يشبهنيش تماما .
الواد دا مين ؟!
ده أنا ؟
معقوله ديه
لأ
للملامح هيه هيه ولا الأحلام .
*****
صدقوني
أنا مش هوه
لكني فاكر لما كنا صغار
كان خيالي
وحبه للناس مشكله
تملي عاشق للنسيم الحر
البت بتبص له كأنه م الزمن اللي مَر
مُر ملفوف بطعم المستكه
والأنتكه
لكنه خالي من حلاوة اليوم
واللوم بيهزه هز
يسكت
وبحر من جواه بيتلاطم
*****
البت تاخد م الولد صوره
تعلقها فوق سرير النوم
تحاوره لما يبص لها
تلاقي فيه حنين مفقود
تحضنها
وبأعلي صوت من رنين الصمت
تحسبها
أنا بعشق
أنا بحلم
وطول عمري بكره م الكتب
الحساب
معرفش ليه النهارده
بحضنه بشده
وكأني غاويه م الكتب الحساب
البنت عارفه انها بدور
والبدر جواها والدايره بور
ولوالنهارده خصمناه من أمبارح
ممكن نبني ما بينهم سور
زور / صح
هي الحقيقه اللي توجع
****
إن أنا كنت صورة
والنهارده كل واحد مننا
أصبح كيان
فى كون لوحده
ميسمحش بالدخول
اكمني البت بتحب م الكتب الحساب
وأنا بكره م الكتب الحساب
ليست هناك تعليقات:
إرسال تعليق