السكوت للمبدع/ جمال فرغلي

 السكوت.. 

آه م السكوت....

وأنا اللي عمري كنت بغزل بالحروف اجمل حكم

واقول بديع الشعر في صنوف

  الكلام

...

دلوقتي..

 باختار السكوت..

علشان تعبت من الجدل..

ومن الغباوه والعناد...

مانا ياما قلت هتتعدل

...

شرحت لك..وقلت لك..

لابد يابني في دنيتك..

تمشي بضمير

..متفتريش....

الدنيا دي ..ملهاش كبير..

ربك عملها لنا امتحان..

وبايدنا نختار المصير .. 

يا اما جنه..يااما نار

أفهم حياتك..حبها.

خليك كما شمس النهار..

تعطف على الناس كلها..

.ويملا نورك كل دار

أحلم تكون انسان مفيد..

وإذا يوم زهقت أو انكسرت

انهض وحاول من جديد

وغلبت أحكي لك واعيد

لكن دماغك من حديد

وأصعب كمان...

علشان كده...خلص الكلام

قررت اختار السكوت...

بقلم جمال فرغلي