بعتذر (280)
...................
بعتذر عن كل
لحظه حزنتها
بعتذر عن كل
دمعه مسحتها
بعتذر عن كل
فرحه خدعتها
بعتذر عن فجر راح
ولا حستوش ...
كان قلب طيب
كان ملاك
ما أستهلهوش
ضيعته ليه
ما كان في أيدي
ما صونتهوش
حتى الكلام يجيني منه
ما أسمعوش ..
إنسان أناني ماهمنيش
غير نفسي أنا
بعت اللي
شاري بالرخيص
وبأيدي أنا ..
حطمت حلم كنت ليه
فى عينيه ملاك
ونسيت قوام
حتى وجوده بالسكات
ما جرحش فيا وصدني
وساب مشاعري تردني
خاف حتى كلمه تأذيني
في هدوء وغاب
إحساسي خاب
ضيعني أنا
ورماني أحضن شوك مرار فاكره الهنا
ما صحيتش غير على صوت ندم
وصمت جوايا إنعدم
أتاريني غرقان
في الدموع
وحياه عذاب
فاتها الرجوع
فاكرها جنه إتحولت
تسديد حساب
وفلحظه سابني وصدني
وقفل لي باب ..
وقاللي وقتك إنتهى خدناك غياب
وشطبنا إسمك عندينا مغلق حساب
زي ما بعت إتبعت أنا كان تلج داب
أيه اللي فاضل
عمري راح ورا
طيف سراب
لا طولت بستان
من الهنا
ألوان ضباب ..
وباقيلي حقي
في الندم والإعتذار
لقلب أكتر من ملاك
لا عرفته قيمته وأقدره
عن عيني غاب
بعتذررررررررررررررر
بقلم .. صبري رسلان
ليست هناك تعليقات:
إرسال تعليق