آه من الوجع (272)
.....................
يا دنيا خفي من الجراح
زاد الوجع
ما يغوركيش
صبر الجمال
على توب جدع
ده أنا أضعف الخلق
اللي عايشه من البشر
وطى لكيف بعد غناه
جاع وأفتقر ..
فى الوحل عاش
ما فاقشي إلا أما إتكسر
كترتي دمعي موصيا
قلبي إتوجع ..
ما كفايه فرحي
اللي راح
ولا عاد رجع
ياما كان في نفسي
أعيش عزيز مش مرتجع
ومنين يا دنيا أشتري
فرحي إن رجع
ما لكيش أمان قطعتي
ودي ب 100 وجع
متغطي بيكي عرتيني
التوب قصر ..
ولا كان في باللي
فيكي أعاني
دراعي خاني وإنكسر
ناسي فاتوني
وصحاب راموني
فيه 100 باعوا
و 1000 إعتذر
آه من الوجع ...
أديني يا دنيا أمارة
هتلفي إمتى الدواره
متاهه والناصح فينا
بيشيل في كوم
دبش حجاره
ملبسانا أقدم توبك
ياما لسه هنشيل
في ذنوبك
أوراق وطايرة إحنا في ريحك
بتوطي وتعلي قبيحك
ماشين في نفقك
لا بأيدنا بنطفي
نورك للغاره
وبكيفنا نشرب نطوح
ويذلنا قاعده سيجارة
ما العقل غاب
وإحنا رضينا
تلفي بينا الدواره
آه من الوجع
بقلم .. صبري رسلان
ليست هناك تعليقات:
إرسال تعليق