(( معقول قلبي دق ))
مش معقول قلبي دق ..
لالا. أوعى يكون فعلا هو رق
أه يااااه ياخبر ده فعلا بيدق دق
لا ده كمان طب طب ...
تؤتؤ عندك حاسبي أوعي له تقربي أو تحاولي تجربي
بصي وراكي وأفتكري كل اللي فات
وأرجعي بظهرك لذكريات حب قديم راح ومات
أسكت أنت أوعى سبني له أقرب ...
إيه يعني لما أجرب
سبني أبعد عني ياله..عايزة بيه أروح أرحب
أنتي فاكره أنه ليكي هو حب ..حاسبي بقولك ده سراب ...
أرجعي بسرعة وأعملي ياله إنسحاب
وأقفلي وراكي كل باب
وأوعي تردي عليه جواب
صدقيني ده كداب
مش هتشوفي غير عذاب
وتعيشي في بكا وأنتحاب
أرجوك كفاية لوم وعتاب ...
ممكن تفهمني وتسمعني..طيب قولي.. ياله جاوبني..
إيه معناه وأنا وياه ببقى طايرة فوق السحاب
ولما بيبعد ببقى تايهه وبحس ليه أنا باأغتراب
يبقى ليه مافتحش الباب
يووووه أنا منك خلاص تعبت أمرك ياستي أمرك مجاب...
بس أستني ليكي مني في يوم عقاب
لو طلع في يوم كداب..
أنا حذرتك أهو وهسيبك روحي ياستي أفتحي الباب..
بقلمي ((منى شحاتة)) جمهورية مصر العربية
ليست هناك تعليقات:
إرسال تعليق