أنا ٠٠٠٠٠٠٠٠وكلب جاري
*******************
مع كل أدان
جاري بيتوضا ويطلع
ع الصلاة
يااارب حوش عنَّا البلا
أصله متعود على أذايا
حفرتي في الشارع
خلته يمسك عصايا
وهو راجع البيت وقع
دراعه انكسر
شافني واقف طل لي
والكلام في زوره انحشر
قلت زي العادة خاف
دقيقة ويدخل ويشد
على وشه اللحاف
دخل بيته وخد معاه
كلبه الأليف
صابه الدوار لما لقي
ابنه اللطيف
من البكاء منهار
ولقي مراته المهذبة
نازلة على كتفه طبطبة
معلهش يابني ابن جارنا
وكان بيلعب
مش مهم تتخانق وتغلب
المهم نعيش حبايب
القلب والقلب قرايب
خدني من إيدي الغرور
ودقيت بإيدي على بابه
قلت أختبر رد فعله
وأشوف جوابه
قلت ابني حدف على
إبنك حجر
عايز الحجر
كلبه انفجر
جري ورايا
شكله اتقهر
حيوان نطق وجاري صابر
وأنا من غروري بكابر
مسكت له العصايا
وقلت له ارجع ودود
صرخ في وشي وقال لي
للصبر حدود
دياب محمود حسن
ليست هناك تعليقات:
إرسال تعليق