(حكاية من حكايات عمو عاطف)
🌸 نوسة لسة صغيرة 🌸
شفت البنت نوسة
كبرت بقت عروسة
فكت الضفاير وشعرها طاير
بيرفرف علي الخدود
ومنزلة أوصة
ماسكة في إيدها قصة
وأحمر الشفايف
ولبسه فستان طويل
وعلي كتفها بشكير
بتنشر الغسيل
في البلكونة الكبيرة
ودخلت على الأوضة
لبست علي الموضة
ومسكت الشمسية بتاعت
أختها تحيةوخرجت من الباب
وندهت على البواب
شافت ابنه هريدي
وكأنك قلت يانار إيدي
وحلمت ذي البنات
بالدبلة والخطوبة
والشبكة والكوشة
وفستان الزفاف
وكتب الكتاب والزفة
والبيت الجميل الصغير
إللي مفروش على الموضة
بكذا وبكام أوضة
تتباهى أمام الأهل والأصحاب
وتقول لعديلة صاحبتها
شفتي فرحي كان إذاي
ولا يالهوي على الفرقة
وكل المعازيم وجمالهم
شفتى اذاى فرحي كبير
وأتخيلت هريدي
عريسها جانبها بالكوشة
وبتقول لعديلة صاحبتها
شفتي هريدي عريسي
كان إذاي جميل
ومتحزم بالمنديل
وبيرقص سمبا ورومبا
مع الراقصة كرنبة
شفتي جمال تسريحته
ولأ الچيل إللي في شعره
ياياياة ياياياة
ولايالهوي علي كسوفه
لما الراقصة كرنبة مسكت إيدية
وإحمرت عنية وارتعشت إيدية
وهو بيرقص معها سلو
شفتي إذي هريدي روش ومدردح
لما طلع على المسرح
بدل مايغني بقي يردح للمعازيم
وهما عليه فطسانيين
من الضحك أصله دمة شربااااااات
علشان كده بحبه موت موت
تخيلي ياعديلة نوسة
وفي إيدها هريدي
الكل هيحسدوني
فجأة وقعت من إيدها الشمسية
بتاعت أختها تحية
وطى عليها هريدي ليعطيهاالشمشية
ولما بصت عليه صرخت
بأعلي صوت وقالت لا لا لا
موش عايزة أتجوز
موش هو فارس أحلامي
وجريت علي السلالم
وهي بتصرخ وتقول لا لا لا
موش عايزة اتجوز
لاموش عاوزة اتجوز
أنالسة صغيرة. أنالسة صغيرة
بقلم / عاطف محمود
ليست هناك تعليقات:
إرسال تعليق