((( ولا فارق معاك حاجه )))
ولا فارق
معاك حاجه
ولا فارق
معاك تعبان
ومهما اشكي
كالعاده
ترد تقول
ياريت ماكان
ومش فارق
أقولك أيه
ولا فارق
وجودي معاك
ولا فارق ادوب
في هواك
ولا بتسأل
جرالي أيه
لكن فارق
تفوتني هناك
وتهرب مني
و أستناك
وانا قلبي
اللي داب
ف هواك
لا هو في بالك
ولا ف فكرك
تقول نفسك
واقول رايداك
واتمسك انا
بوصلك
وتنسي اصلك
علي فصلك
وتنسي اني
وقفت معاك
وتسهر كل يوم
للفجر
و ترجع حتي
وش الصبح
وانا صابره
علي حالك
وباتحمل
عذابي معاك
وقلبي كمان بيتألم
واقول بكره هيتعلم
ويرجع تاني يتندم
علي ظلمي كده وياه
علي املي وانا بهواه
واتاريه لسه بيتشرط
و يأمر فيا و يخرط
وانا صابره وبأستناه
يفوق مره وانا شايفاه
و قلبي منه ب يزغرط
كلمات الشاعر/السيد علي القن
ليست هناك تعليقات:
إرسال تعليق