لسه فاكر
..................
لسه فاكر لما
كنا صغيرين
كان والدنا
يشتريلنا الفوانيس
كنا نفرح نجرى
نملا الكون فرح
كنا نعمل دايرة
ونلف ف مكانا
والكرة الأرضية
تلف بقلوبنا الحنين
وحوى يا وحوى
كان كل صوتنا
يخلى كل الكون سكوت
كنا مش داريين
كان عم رمضان
احلى من بابا نويل
الفانوس هديتنا
اللى مفيش زيها
قبل السحور يجمعنا معاه
يلف كل الكون
تلف قلوبنا وياه
كان يااخدنا المسجد
اللى فى كل الأماكن
صوت تواشيحنا قبل الفجر
جل المنادى ينادى
واحنا جوا المسجد فرحانين
عم رمضان يوزع الحنين
ونصلى نناجى ربنا
عم رمضان امام
واحنا وراه خشوع تمام
وصلاة الفجر تخلص
والحب جوانا مايخلص
وف قعدة بعد الفجر
عم رمضان يعلمنا
اول دروس العقيدة
وايه اللى سنة
وايه الفريضة
ياعم رمضان ياريتك
كل يوم عندنا
بقلم قررت الاعتزال
فرج عبد الستار
ليست هناك تعليقات:
إرسال تعليق