////////+++عيد الشعر +++////////
سرجت وقاديت ياحرفي
ركبتك بعناية ولطفي
لبستك سلهام مايخفى
درت معاك صواب ياك بدفى
في هذا نهار لتبوريدة
همة وشان نخوة وتجريدة
ظلك معايا يحلف مايغيب
ياحرفي يالمالك لقليب
وانا في عشقك ياك مسلوب
والعيد هذا شمس ماليها غروب
خليتك تنقش ياك وتزيد
وانا عايش فرحتك ياعيد
وجريت ورسمتك لي ف سطور
سبحان الله وانا مبشور
خليك قدام الورد عالي
ياللي ف القلب ديما غالي
عيدك وعيد ربيع مثافقين
سبحان الله ياك متعاهدين
ارسمتك وزينتك بوشام
ومع الفرحة ف خيال لكلام
لبستك سلهام ما يذبال
ياك هديت لك نياق وجمال
فرشت لك بلعمان والورد
ياسلطان اللحظة والعهد
بقلم صقر الحروف الزجال المحجوب بوسبولة
ليست هناك تعليقات:
إرسال تعليق