أنا معاكى فى كل مكان وفي أى زمان
أنا معاكى عاشق ولهان
وقلبى يعشقك بجنان
أنا التايه ومش عارف لأى مكان
أنا المغرم بسحر عنيكى
ومن لونها أصابنى جنان
ومش قادر أوصفها
صدق من قال
العين واقف عليها حارس
وأنا حاسس بملايكه واقفين حراس
أنا التلميذ يا أستاذه
أنا المغرم بقالى زمان
أنا إللى قدرت أسكنهم
ومليتهم سحر وغرام
أنا العاشق وكل الناس تعرفنى
أنا الشاعر وقلبك أنتى يعرفنى
أنا المشهور فى كل مكان
وأهل الحب تعرفنى
أنا شاعر الحب ومرسايه
فى بحر عنيكى ملهمتى
وليلى طال ومش فارق
معاكى ليل و نهار
أنا المسحور وسحرك بيشفينى
أنا العاشق وحبك بيحيينى
جميله عنيكى ملهمتى
جميله بكل ما فيها
نظراتك تصحينى
أيامى ولياليها
وغمزه وحد من عينك
بتتحاكى القلوب بيها
جميله العيون سمرا
وقلبى داب وأنا فيها
ويا سعدى وأنا ماشى
فى عيونك وسفينتى
مش قادر أعبرها
وأحلامى كلها فيها
حبيس جوه فى عيونك
أسير السحر وما فيها
ولو قالوا كفايه عليك عيونها
تكفينى الحياه فيها
خرجت شويه أنا منها
لقيت خدودك الحلوه
نادتنى أقطف التفاح
لقيت نفسى عايش سواح
وكل لحظه بتعدى
خدودك أيوه تندهلى
تعالى حبيبى المسنى
حرير الملمس الناعم
ونور الصبح بيضوى
نور شفاف بيجذبنى
ولو هبعد عنها شفايفك بتندهلى
وبتقولى تعالى ياشاعر حبى
نعيش اللحظه بما فيها
تعالى أنت قربلى
ونسينى ألم قلبى
وطعم الحب فى شفايفك
ونعم الحب ملهمتى
أعيش أنظر للضحكه
وتهدينى بقيت عمري
خلاص نسيت الدنيا
ولانساء الدنيا تعنينى
أشوف الثغر يندهنى
بلمسه شوق بيندهلى
تعالى بينا قربلى
أنا بستنى لمساتك
أنيقه أنتى ملهمتى
وثوبك فى الفضاء يعبر
وحور الجنه فين منك
وأخاف لو غيبتى فى يوم عنى
عريس قدمت أنا مهرك
وياريت أعيش بقيت عمرى
خلود الروح مع روحك
وأطير فى الفضاء وحدى
ونتلاقى بأرواحنا
ويبلى الجسد يبلى
ماأرواحنا لبعضيها
غريب فى الدنيا وحدانى
وعشقك إنتى نسانى
وعمر الغربه ما تزعل
وأنا وياكى ملهمتى
وفوق بكره هنتقابل
أنا شاعر لكن عاقل
وعارف إن بينا حدود
ومش ممكن هنتواعد
وعارف إن حب الروح
أسمى من جسد راحل
جسد بكره هايكلوا الدود
جسد فانى جسد راحل
لكن أرواحنا تجمعنا
وفى السماء طايره
وطيبة قلبك الطاهره
سبب فى دخولك الجنه
وخوفى من ربى هيجمعنا
وأملى ينتهى عندك
أكون وياكى فى الجنه
فوق فى الفردوس تجمعنا
ونتقابل بأغلى الناس
رسول بالحب جمعنا
ونادي كتير فى كل مكان
حسن الأخلاق يقربنا
ولو نكفل في مره يتيم
باطعام هيجمعنا
يا صحبة النبى الغالى
ماأحلاكى
ياأيام الصيام روحى واشفعيلى
ويا صحبة القرآن مع الصحبه والناس الطاهره
ويابركة دعا بالوالدين
ياريت الجنه تجمعنا
وياليلة القدر
ودعنا وراح رمضان
وبكره العيد وهنعيد
ونتباهى بأعمالنا
ياريت نكون شرفنا
واتباهت الملايكه بينا
وعرفت إننا قدرنا
على شكر النعم دايما
وحققنا كل أحلامنا
وبكره الجنه تجمعنا
وبكره الجنه تقربنا
بقلم محمد كمال
شاعر مصر
ليست هناك تعليقات:
إرسال تعليق