وانتهى المشوار
وانتهى المشوار
بكام كلمة... أخذتي القرار
أخذتيه
وماعملتيش ليا اعتبار
هو الحب عندك ايه؟
يمكن خاتم تلبسيه
والا فستان تغيريه
لأ يا حبيبتي
الحب دا إحساس
يسكن في قلوب الناس
وعمرو ماكان يتقاس
بس إنت عندك
الحب ع المقاس
يتغير زي الفصول
لا ليه فرع ولا أصول
ولا عمره معاكي حيطول
اعرفي ان الحب زي الورده
على قد ما تسقيه
يِدِّيكي
شوية ميه وحبة حنيه
عطره يفوح
ويرجع ليكي
ومهما كان شوكه
منه ما نتألم
وإزاي نمسكه،
برضو حنتعلم
بس انا خلاص
منك أخدت درس
و من حبك اتعلمت
بس ماقدرتش أتوب
واقول دا قدر ومكتوب
عشان حبي صادق
مافيهوش خدوش
ولا محتاج تزويق
ولا رتوش
محتاج بس بسمة صافية
ع الوشوش
وقلب صادق ما يخدعوش
محتاج قلب نظيف
دافي زي شمس الصيف
محتاج ايد تطبطب عليه
مش زي الكوره تلعب بيه
عايز حب يكون مجنون
يلف معاه كل الكون
بس للأسف
معاكي مش حيكون...
هاجر عوني تونس
ليست هناك تعليقات:
إرسال تعليق