* هو إنت إيه...؟!*
....................
*رغم إني بجرحك
رغم إن القلب قاسي
دا أنا حتي يمكن أكرهك
لو ما لبيتش حاجاتي
بس قلبك لسه طيب
لسه مليان بالحنان
قلب ما بيعرفش يكره
قلب حب حتى إللي خان
وأنا إللي ياما كتير ببيعك
لسه ناكر العرفان
لسه بجرح فيك تملي
وإنت متحمل ألام
*عمال تسامح رغم إني
بعتك إنت من زمان
عاش يهوذا جوا حضني
وحبك أنت ما لوش مكان
وأما أقولك إني رافضك
رافض ملكك والتيجان
وأما ضهري يتكسر
يتعصر من الأحزان
ألاقيك بتجري وجاي عليا
وعينيك ماليها دا الحنان
وتقولها لأ ما تخافشي إيدي
جايه تحميك من الزمان
جوا نني عينيك تاخدني
يرويني حبك من الحنان
دا إنت حبك شيء يحير
شيء ما يعرفوش إنسان
" هو إنت إيه............؟! "
#كرم ميخائيل
ليست هناك تعليقات:
إرسال تعليق