#رباعيات#
واقف الشجر يغني
ولا عمره يوم إشتكى
إبعد يا هم عني
ويا قلبي كفايه بكى
..........
عايشين على ذكرى حلوه
م الهم ساندانا
يا ترى مالكينها إحنا
ولا هيا اللي مالكانا
...........
واقف كرم إنسان
جرحته مية كلمه
هيا النجوم بتبان
غير بس في الضلمه!!!!
.............
يا بخت أبو قلب خالي
الدنيا بتشيله
واللي قلبه اتملى
على وشه تديله
................
طلع النهار فرحان
والطير جرى يسبح
مفطوره عالإيمان
ليه في الأصول تدبح
.............
وطعنت قلبي بإيديك
والظن ملاه جروح
يا ريت تسأل وريدك
أنا لسه جوايا روح
اسماء محمد
مصر
3/8/2021
ليست هناك تعليقات:
إرسال تعليق