ليه مشيت
ليه مشيت؟ ليه عليها جنيت؟
دى كانت من يومين بتقول بيه أستقويت!
بنت لك فى قلبها قصر فهدمت قصاده بيت
وهبت لك روحها وقلبها وانت عليها أستوليت
وقفتوا فى محكمة كان القلب فيها قاضى
وانت جانى وعليها جنيت
صرخت بأعلى صوتها وقالت مظلوم
أنا اللى عليه قسيت!
لما وهبته روحى وجعلت له قلبى بيت
جعلت لك قلبها بيت أنت فيه مالك وهى ليك مملوكة
وأدتك طرف الحبل إللى هى بيه ممسوكة
نزلتها بحر الحب كنت أنت فيه قبطان وهى كانت ليك فلوكة
وعدتها بالنجاة وإن بعد حبكم ده فيه خطوبة
لكن للأسف! معاك جه عليها الصيف وأنتم فى عز طوبة
شفت جرحك ليها بينزف قلت مش جرحى ده جرح قديم وهى منه معطوبة
سبتها فى جرحها ومشيت دورت على غيرها ولفيت
ولما تعبت كلمتها تقولها غير ما حبيت
كان فين حبك لما عليها جنيت
وفى عز وجعها عنها أتخليت
شكلك غلطان أنت قاصد بيت غير البيت
مش هى دى إللى ليها حبيت
دى واحدة قسى عليها حبيبها
وأنت الظاهر عمرك ما قسيت 💔
قصيدة /ليه مشيت
كلمات / بركات على
ليست هناك تعليقات:
إرسال تعليق