باللهجة العراقية
همهم علينا الصبح
اي الصبح
گال اگعد ولتنام
ماشاف خير البلد
من أعدمو صدام
گتله برد.. خل ارد
جر الغطى گدام
من ضيم گلبي صحت
اصخام فوگ صخام
يا شعب يابهذله
يا عيشة الظلام
ماظل عراق وعلي
مبيوگ ليجدام
فوگ السلب والنهب
والموت والاعدام
حتى العمايم دغش
مانعرف الخدام
لو يبقى هيج الوضع
مايبقى بيه زلام
رد الغطى وگال الي
نام اسلمنا انام
بلكي بحلم موطنك
يقضي على الظلام
عاد أنا دمعي جرى
مايخله لو بأحلام
#عبيدالنصراوي
ليست هناك تعليقات:
إرسال تعليق