،،،،،مشوار طويل،،،،
@@@@@@@
ماشي فيك يادنيا
بعافر وسط الزحمة
كل ما أحس إني قربت أوصل
أرجع تاني من الأول ...ونقطة
سنين عمري ضاعت مني
ومفيش في القلوب رحمة
دايرة....وبلف وحدي
لأني بصدق مقولة الميل أوله خطوة
لكن المشوار طال
لأني مليش سند..ولا ظهر..ولا وسطة
بجبر بخاطر الكل
وأنا محدش جبر خاطري لو مرة صدفة
شايل حمل الجباااال
وبسمتي حتي بعدها دمعة
هي الدنيا مالها....وأيه جري لها
بقينا في غابة ...وكله بقا سلطة
أنا اللي من كتر التفكير
هتشل أو هيجي لي جلطة
طول عمري جانب الحيط
مسالمة ..وفي طريقي ماشية
طريقي كله أشواك
والدنيا عليا خنقة
كل إما شعاع نور يظهر
علي ما أوصل له يكون بقا ضلمة
أيه بس الحكاية
يادنيا كفاية عتمة
أنا نفسي أضحك من قلبي
حتي لو بعدها الخاتمة
يااارب فك ضيقتي
ومتخنقنيش بدمعة
يااارب مليش غيرك
بدعي لك وأنا راكعة
تحقق لي آمالي
وتيسر لي أحوالي
وتفرحني بفرحة
يتعجب منها الظلمة !!!!!!!
بقلمي/
مها
بركات
ليست هناك تعليقات:
إرسال تعليق