( ظني )
___________________
ظنيت انك حبي حقيقي
وان هواك ماشي بوريدي
وان لقاك دايما يوم عيدي
وانني هفضل عمري اهواك
-----------------------------
اتاريني طلعت الغلطانه
ولقيتني آسفه وندمانه
على عمر عدي وراح مني
وانا عشقاك وبكل أمانه
----------------------------
أخلصت ياروحي وحياتي
وصبرت يومياتي وليلاتي
على انك يمكن يوم ترجع
تمحي لي آهاتي وأناتي
--------------------------------
طب اعمل ايه قولي بجد
وانا حبي كان ملهوش حد
وبنيت بين قلبي وبين قلبك
بغدرك ليه مليون سد
--------------------------------
اوعي تفكر مره تجيني
وتقول ياعمري سامحيني
دي وشايه بعدتني عنك
وبقت نار حبك تكويني
--------------------------------
هقول ايه والا هعيد ايه
م الغدر اتعودت عليه
ولقيتك في الحب اناني
ونار القلب مشعلله فيه
--------------------------------
كفايه ارجوك ابعد عني
الصبر نصيبي وحاببني
هاصبر على كل احوالي
ولاانك تيجي مره تهيني
-------------------------------
راح هاخد ايه انا من قلبك
بعد م ادمنت كتير صدك
الجنه هلاقيها في بعدك
وكفايه تبقي انت الجاني
____________________
شعر الاستاذ /طلعت مجاهد
ج مصر العربيه أجا الدقهليه
_____________________
ليست هناك تعليقات:
إرسال تعليق