( قصدك ايه ؟ ) :
انا مش عارف قصدك إيه ؟
من نظرة عينك ليا
ايدك ليه على خدك ليه ؟
يا حبيبتي ردي عليا
ردي عليا وريحي قلبي
ماتخليش فيه شيء متخبي
لو كنت انا يوم زعلتك
يبقى لا بد اتحمل ذنبي
ايه اعمله ممكن يرضيكي ؟
ويخليكي تحني عليا
ده مفيش شيء راح يغلى عليكي
لو حتى هتاخدي عينيه
خدي عهد عليه وإقرار
لو مش واثقه ف إني بحبك
جنتي انتي وبرضه النار
يبقى ازاي انا حهرب منك ؟
لو يوم زعلتك من تاني
اعملي فيا اللي ف بدك
من غير نظرات تقتلني
ولا حطة ايدك على خدك
بقلمي الشاعر جمال زكي عينر
ليست هناك تعليقات:
إرسال تعليق