هايروح لفين
..............................
رغم ان حبى ليكى
حب فاق كل الحدود
حب خلى قلبى ليكى
كله ليكى
رغم انى كتير
كنت مش لاقيكى
كنت كتير بااغير عليكى
وأنتى غيرتى عندك
مالهاش اهتمام
كنت اقولك ليه فلان
تحسبيه اهانة ليكى
طب ليه كنتى بتقوليلى
فاكرة انى لما تيجى
سيرة فلان اضحك واعدى
يبقى ايه الحب من غير
اى غيرة
يبقى ايه الحب لو مش
بااتجنن عليكى
لما شوقى يبكى
لما مشاعرى تنزف
من كتر الوجع
لما وجعك أقف معاكى
اما وجعى بتزوديه
بتبرريه انه بيمثل. ضحية
طب شوفى كام مرة وقت غضبك
قولتى......
مش قادر اكتب قولتى ايه
كرامتى فوق كل احتمال
فوق كل مرة تقولى
نفس الكلمة
من غير حساب
بتكرهى العتاب
هو فيه حب من غير العتاب
هو فيه حب بيشترك وياه صحاب
كنت حابب انى مااكتبش حاجة
بس جوايا الحاجات بتشيل
وبتعزل من مكانك
بس مش عارف مكانها
هايروح لفين
هايروح لفين...
قررت الاعتزال
فرج عبد الستار فرج
ليست هناك تعليقات:
إرسال تعليق