الحلقة السادسة عشر:
بعد ما سهام طلعت أوضتها ...إبراهيم حس بالذنب وأنه المفروض مكنش جاب سيرة هشام عشان حساسية الموضوع ده ...وقعد طول الليل يعاتب نفسه وقرر إنه الصبح لازم يعتذر لها....
تاني يوم الصبح سهام نازلة لابسة عشان تروح الكلية وتاليا نازلة قدامها لابسة لبس المدرسة..أول ما نزلت جريت علي عمها تحضنه وتبوسه"صباح الخير ياعمووو"
"صباح الورد ياحبيية عمووو"
..وأول ما شاف سهام إبتسم لها
"أنا آسف ياسهام...حقك عليا... والله ماكنت أقصد أي حاجة"
"ولا يهمك يا ابراهيم ...محصلش حاجة"
"يعني بجد مش زعلانة مني"
"أنا عمري ما أزعل منك ....حد برضو يزعل من أخوه "
وقعدوا فطروا مع بعض...وأول ما ميعاد الباص بتاع مدرسة تاليا جه...باست عمها ومامتها...والدادة خرجتها...
بعد الفطار إبراهيم بيسأل سهام
"هتخلصي محاضرات إمتي النهاردة !!؟؟"
"الساعة 3 أن شاء الله"
"كويس...أنا هخلص برضو شغلي تقريباً في الوقت ده....لو خلصت بدري عن كده هعدي عليك نروح سوا ..ولو معرفتش أعدي عليكِ إعملي حسابك نتغدي مع بعض سوا النهاردة ..عشان عاوز أفاتحك في موضوع كده.."
"خير...موضوع أيه !!!"
"مفاجأاااااااة...علي الغدا زي ما إتفقنا هحكي لكي"
"ماشي...لما نشوف مفاجأتك"
"تعالي يلا معايا أوصلك في طريقي"
وخرجوا مع بعض ونزلت قدام الكلية...
لسة داخلة المدرج لقت هشام بينادي عليها ..وأول ما شافته إبتسمت له...ولسة هتمشي.. لقته شدها من إيدها
إرتكبت ووشها إحمر...فقرب منها أوووي وبصوت له حنية
"إنتِ لسة بتتكسفي برضو"
كل ده وهو ماسك إيدها...لما لقت سهام البنات بتبص عليهم...شدت إيدها وبعدت نفسها عنه وبصت لهشام
"عاجبك كده !!!"
قرب منها أووووي..وبص لها بصة متعمقة.. وكأنه هيأكلها بعينه..وكان هاين عليه يحضنها
وبكل بساطة "ولا يهمني أي حد...حد يبقا معاه القمر ويخاف من نظرات النجوم"
إبتسمت له "أقول أنا أيه ...بعد الكلام الحلو ده"
"متقوليش حاجة ...ياحب عمري...يكفيني إنك واقفة قدامي ومالي عيني منك .. والله كتير عليا ...القمر ده واقف معايا"
"طب ...ممكن أدخل المحاضرة بقا ...عشان القمر بتاعك شكله بقا وحش أوووي قدام الدفعة"
هشام وهو طاير من الفرحة
"ماشي ياحبيببببتي...هسيبك تدخلي ....بس بشرط"
"شرط أيه !!!""
"نتقابل نتكلم شوية بعد المحاضرة في كافتريا الجامعة"
"حاضر" ...ودخلت المحاضرة
بعد المحاضرة راحت سهام الكافتيريا لقت هشام قاعد في أول طربيزة... بس سهام لفتت نظر كل اللي في الكافتيريا لأنها فعلاً كانت قمر 14 وخصوصاً في اليوم ده اللي كانت لابسة فستان أسود وهي بيضة أووووي... بس برضو مكنتش شايفة غير هشام من بين كل الشباب ...
أول ما راحت ناحية هشام ...قام بسرعة شد لها الكرسي وبصوت رقيق"إتفضلي يانبض قلبي"
قعدوا الاثنين وفضلوا مسهمين شوية مش مصدقين إنهم
قاعدين مع بعض وبيتكلموا...
قرب هشام بالكرسي منها وهمس لها "وحشتيننننننننني
أوووووي ياحب عمري"
إتكسفت وجات تقوم ...شدها من إيدها
"إحنا لسة إتكلمنا عشان تقومي"
قعدت تاني وهي مكسوفة
"أعمل لك أيه...ما إنت مش راضي تبطل كلامك ده ..وعارف إني بتكسف...وبرضو مصمم تكسفني"
"وإنتِ عارفة إن بعشق كسوفك ده....وإحمرار خدودك"
وطت وشها في الأرض ومردتش
قرب هشام منها أكتر..كانت رجلهم لامسة بعض..ورفع ذقنها بإيده"إحكي لي كل حاجة عنكِ الفترة اللي فاتت"
الحزن ظهر علي وشها "ياااااه..إنت هتقلب عليا المواجع تاني يا هشام"
"أنا آسف ياقلب...وعقل هشام...بس فعلاً عاوز اعرف عملتِ أيه طول ال7 سنين اللي فاتوا !!!؟؟
وأيه اللي خلاكي ترجعي تدرسي تاني !!!؟؟؟؟
وإبراهيم كان مستنيكي ليه....وفين جوزك !!!؟؟؟"
مليووون سؤال جوايا ...إجابتهم عندك إنتِ "
الدموع بدأت تلمع في عينها وبصوت مخنوق
"هحكي لك كل حاجة..."
وبدأت تحكي له عن مأساتها طول ال7 سنين...وأنها كانت مضطرة توافق علي جوزاها من علاء جوز أختها عشان خاطر مامتها ومصاريف الكلية وتاليا اللي لحد النهاردة
بتناديها "ماما" اللي بقت يتيمة الأم والأب كمان بعد موت علاء اللي يرحمه"
هشام وهو مستغرب "الله يرحمه !!؟؟؟ مات إزاي !!؟؟"
"عمل حادثة هو وباباه وهما راجعين من الشغل وماتوا في وقتها"
"ومين تاليا !!؟؟؟"
"دي بنت إبتسام أختي ..وانت طبعاً عارف إنها ماتت في حادثة برضو يوم نتيجة الثانوية بتاعتنا"
"ياااااااه...ياسهام...دا إنتِ عانيتي كتير أووووي...وأنا اللي كنت مفكر إنك خنتيني وكسرتي الوعد "
فنزلت دمعة من عينها ...وبحزن شديد
"كسرت الوعد !!!! أنا اللي إتكسرت لما عمري ضاع ...ومستقبلي ضاع...لما معشتش سني زي باقي البنات ...أحب وأتحب وأتجوز اللي يختاره قلبي مش اللي القدر فرضه عليا ...منكرش إن علاء كان طيب جدا وشايلني من ع الأرض شيل وده اللي كان محسسني بالذنب عشان فضلت سنين طويلة مش قادرة أحبه ..ولما إستسلمت للأمر الواقع وعشنا مع بعض زوج وزوجة ..
القدر خده مني ومات ...وساب لي تاليا اللي ملهاش في الدنيا غيري"
ودموعها نزلت كتيييير علي خدها ...فصعبت أوووي علي هشام فمسح لها دموعها وطبطب علي كتفها بحنية
"متزعليش ياحبيبتي... الحمدلله إننا إتقابلنا بعد ما كنا فقدنا الأمل أننا نشوف بعض تاني ...وان شاء الله هعوضك عن كل المآسي اللي أنتِ شوفتيها"
إبتسمت له وبصوت رقيق" قول لي بقا إنت عملت ايه الفترة اللي فاتت!!!؟؟"
"أنا كنت بموت في اليوم 100 مرة ...لما كنت بفكر إزاي إننا كنا مع بعض ومتفقين علي كل حاجة..فجاءة كده كل حاجة إتغيرت ...وإنتِ ضعتي مني وبقيتي لواحد غيري
ومن ساعتها قررت أجتهد وأركز في مذاكرتي وبقيت زي ما إنتِ شايفني ...بس رغم كل اللي أنا بقيت فيه ...كان جوايا حزن كبييييير عشان مكنتش لاقيكي...ومكنتش قادر أشوف ولا أحب حد غيرك...لحد ما شوفتك من كذا يوم ورجعتي البسمة لحياتي تاني وشقلبتي كياني أحلي شقلبة في الدنيا كلها....ياروح قلبي من جوه"
وهما قاعدين جنب بعض منسجمين في الكلام ..سمعت سهام حد بينادي عليها "سهاااااام !!!!!"
بصت لقت إبراهيم واقف قدامها ...فجريت سبقته علي العربية !!!!!
######*****######
**تغيير مسار**
**مها بركات**
ليست هناك تعليقات:
إرسال تعليق